Advarsel! Farleg god sjokoladekake..

Kom over ei oppskrift på sjokoladekake hjå Ida Susanne her om dagen.

Sjokolademums som eg er, måtte den prøvas snarast.
Styremøte på Samfunnshuset var ein gylden anledning.

Og kaka fallt i smak, både hjå meg og dei andre.
Leiaren likte den såpass godt at han hadde ein
 eigen status på facebook til æra for den. Er ikkje det litt stas då?
Jo, iallefall for meg som ofte tyr til 1-2-3 kake er det det. 

I tillegg lova han å bada i sjøen innen 24 timar om eg laga ei til han.
Reknar med utfordringa fortsatt står ved lag..

Og ikkje nok med det.
Nå vil han ha ein "sjokoladekakebakesmakekonkurranse"
 på Samfunnshuset.

Det hadde vore stas å blitt med på.

Som dommar sjølvsagt ☺

Du treng:

Mørk røra

125g smør

100g kokesjokolade

200g sukker

3 egg

40 g kveitemjøl

2ss kakao

0,5 ts bakepulver

Lys røra

200g naturell kremost

1 dl melis

100 g kvit sjokolade

Smelt smør, kokesjokolade og sukker.
Avkjøl litt før du rører inn eitt og eitt egg.

Sikt inn det tørre og hell røra i ei lita rundt form (ca 24cm).

Smelt den kvite sjokoladen, tilsett kremost og melis og visp saman.

Legg toppar av ostekremen rundt om i sjokoladeblandinga.

Trekk ei skjei gjennom ostekremen slik at den
 marmoreres i sjokoladerøra.

Steikes nederst i omnen på 180 grader i ca 35 minutt.

Den er like god dagen etter, i tillegg til at den er lettere å skjære i.

Kan væra godt med is og friske bær til då den er mektig - men god!

Nyt!

Og du som skal på Fabelaktig treff neste veke kan gleda deg til å smaka.

(Det var ein uvanleg sjølvsikker setning frå denne kanten.
Vekk med Janteloven..)